台語讀寫 有聲教學：變調kap本調

-->

傳統教會羅馬字/白話字(POJ)/教羅：是文字，嘛有標音功能。

變調kap本調：(動調kap靜調)

台語字音(單音節)的原音叫做本調，音調固定袂變，嘛叫做靜調。

若是詞kap詞組(片語)，因為超過兩音節，所以進行中的音節會產生變調，只有上尾音節保持本調。變調音調無固定，嘛叫做動調。

下面用「台灣師範大學」kap「敢欲來去看歌仔戲」來分拆：

台/灣/師/範/大/學：[1字1字發音，攏讀本調。只有1字1字的意思。]

台灣/師範/大學：[1詞1詞讀，詞尾本調，其他變調。無台灣師範大學的意思。]

台灣/師範大學：[1詞1詞讀，詞尾本調，其他變調。無台灣師範大學的意思。]

台灣師範大學：[當做1个詞組，詞尾本調，其他變調，台灣師範大學意思明確。]

敢/欲/來/去/看/歌/仔/戲：[1字1字發音，攏讀本調。只有1字1字的意思。]

敢欲/來去/看/歌仔戲：[1詞1詞讀，詞尾本調，其他變調。無敢欲來去看歌仔戲的意思。]

敢欲來去/看歌仔戲：[1詞1詞讀，詞尾本調，其他變調。敢欲來去看歌仔戲的意思無夠明確。]

敢欲來去看/歌仔戲：[1詞1詞讀，詞尾本調，其他變調。kap敢欲來去看歌仔戲的意思無仝。]

敢欲來去看歌仔戲：[當做1个詞組，詞尾本調，其他變調，敢欲來去看歌仔戲意思明確。]

羅馬字真趣味>>>lahjih YouTube